Kaко започна се...

Не многу одамна, некаде на југот од Балканот, во старата скопска меана ДУКАТ, седеа тројцата пријатели Петар, Калин и Бобан. Тројцата големи гурмани, водеа прав македонски деловен состанок пред богатата софра на која имаше буквално се што може да си замисли едно гладно око.

Со разни меса на скара, мезиња, сирења, салати, ракии и вино се гостеа нашите пријатели, нималку свесни дека токму највкусните јадења на масата ќе бидат повод за нивната бучна полемика.

Обземени од разните ајвари, лутеница, пинџур, везени, цепкани, печени и секакви други видови пиперка, тројцата со мерак макаа од даската, кога одеднаш, сосем неочекувано, изјавата на Петар ја разбрануваа мирната и домаќинска атмосфера во меаната: "Добар е ајваров, жими се. Само мајка ми прави подобар!"

Дали тој тоа го кажа несвесно или беше поттикнат од некое луто пиперче, не може да знаеме, но коцката веќе беше фрлена! Следен веднаш се јави Бобан кој со полна уста тврдеше дека токму неговата мајка додавала специјален зачин во ајварот и дека токму нејзиниот бил највкусен на светот. За да не остане покус, Калин ги убедуваше своите пријатели дека тајната за успехот на еден ајвар, не во зачинот туку, во љубовта која токму неговата мајка го внесува во приготвувањето.

Целата приказна за како е создаден брендот можете да ја прочитате на овде.

Стајлинг

е автентична и оригинална македонска урбана домаќинка која и покрај денешниот начин на динамично живеење и работење, наоѓа време да посвети на подготвување на вкусна домашна храна.

Изгледот и инспирацијата за :

Шапка – Сите наши мајки го чуваат Ајварот завиткан во весник (меѓутоа со сигурност зошто тоа го прават не се знае). На тој начин ги редат теглите една до друга во кутии и се подготвуваат за зимскиот период. Боите и дезенот на шапката на се токму инспирирани токму од тој момент.

Здолниште – Одбрана е црната како боја, бидејќи таа најдобро се вклопува во целиот контраст на бои и најдобро ги истакнува облините на теглата. Посебно место на етикетата, покрај задолжителниот брендинг и опис на производот (логотип), му се дава на составот, односно состојките на производот. Тоа е најмногу поради специфичноста и автентичноста на регионите од каде потекнуваат истите.

Ѓердан – За секоја дама многу важен детал на облеката е накитот. Автентично ѓердан во облик на пиперче – сорта „Капија“, симбол на Македонија, на кое може да се прочита некој детал повеќе за приказната и концептот за .

Креативен тим

Домашен Ајвар

Тежина: 350 g. Совршена порција и 700 g. Фамилијарно пакување

Состојки:

• Печена пиперка од Струмица
• печен модар патлиџан од Валандово
• сончогледово масло
• морска сол

Домашно малиџано

Тежина: 550 g.

Состојки:

• Печена зелена пиперка од Струмица
• печен модар патлиџан од Валандово
• сончогледово масло
• морска сол

Домашно луто малиџано

Тежина: 550 g.

Состојки:

• Печена зелена пиперка од Струмица
• лути феферони
• печен модар патлиџан од Валандово
• сончогледово масло
• морска сол

Домашна лутеница

Тежина: 550 g.

Состојки:

• Печена црвена пиперка од Струмица
• домати од Струмица,
• сончогледово масло
• морска сол

Слатко од диви смокви со ореви

Тежина: 450 g.

Состојки:

• Диви смокви од Струмица
• Ореви
• Шеќер и многу

Слатко од киви

Тежина: 450 g.

Состојки:

• Киви од Струмица
• Ванила
• Шеќер и многу

Домашно произвоство

Многупати луѓето, поради автоматизираниот начин на производство, домашниот Ајвар го споредуваат со т.н индустриски. И покрај тоа што начинот и процесот на производство на „Домашен Ајвар“ e фабрички, тој е направен според оригинална рецепта, и е многу сличен на традиционалниот начина на правење Ајвар. Со цел да се зачува свежината на состојките, производството на една серија на финален производ се одвива одеднаш. Од моментот на собирањето на пиперките од нива, па се до моментот на полнење на теглите изминуваат точно 12 часа.

• 05:00 – 10:00ч – берење на пиперката
• 10:00 – 11:30ч – константна дистрибуција до производниот погон
• 11:30 – 13:00ч – автоматско отстранување на дршките и семките
• 13:00 – 13:30ч – перење на пиперките и модрите патлиџани
• 13:30 – 13:50ч - печење на пиперките и патлиџаните
• 13:50 – 14:30ч – лупење на пиперката (автоматско)
• 14:30 – 15:00ч – рачно долупување на пиперките со цел отстранување на автоматско пропуштените лушпи и семки.
• 15:00 – 15:30ч – мелење на печените пиперки и патлиџани
• 15:30 – 17:00ч – Од пржење до пакување*:
  • Пржење на состојките во мега тави
  • Полнење на Ајварот во МАМАС (лого) тегли
  • Пастеризација на теглите (МАМАС нема конзерванси затоа јадете го веднаш после отворање на теглата)
  • Облекување на МАМАС (етикета, шапка и ѓердан)
  • Пакување во кутии (12 тегли)

* Бидејќи времето на пржење и презервација е дел од специјалниот начин на подготвување на не сме во состојба да ви го откриеме нивното времетраење.
Поради ваквиот начин на стандардизирано производство, ризикот од „Дали ви се погоди годинава вас Ајварот, комшике?!“ е сведен на минимум.

 

Состојки

Старите велат, ако по нешто сме биле познати, тоа се пиперката и доматот. Сигурно не постои земја во Светот со толку различни и оригинални домашни рецепти од пиперки. Потврда на тоа се и пофалбите на безброј странски гости кои имале честа да ја пробаат Македонската кујна.

За МАМАС ние ги собираме најдобрите состојки од најбогатите предели во Македонија и вешто ги спојуваме во еден единствен вкус.

Магични состојки:

Капија

Капијата, или уште како што ја нарекуваат Ајварка (бидејќи е основната состојка за правење на Ајвар), е еден од најмасовно произведуваните земјоделски производи во Македонија. Најголем дел од Капијата се производува во јужниот дел на Македонија кој се карактеризира со својата препознатлива клима и голем број на сончеви денови. Посебно, според бројот на сончеви денови се одвојува Струмица и стумичкиот регион (во просек 290 годишно), од каде што се собираат и пипреките од кои се прави МАМАС.

Модар патлиџан

Модриот патлиџан се користи како додаток на Капијата, во процесот на производство на МАМАС. Неговиот уникатен вкус додава вистински шмек на МАМАС, и ја прави неговата структура единствена. Валандовскиот регион, поради специфичната медитеранска клима е одлично место за производство на најдобриот модар патлиџан.

Сончогледово масло

Високо квалитетно сончогледово масло од Македонско потекло, се користи како основна состојка во процесот на производство која ги соединува пиперките и модриот патлиџан во една единствена структура и ја дава уникатната состојка која ја прави структурата на МАМАС единствена и ги поврзува во еден единствен.

Морска сол

На секоја манџа и треба сол...
... и малку магија!

Поволно за вегетаријанци. БЕЗ глутен.

Оригинален вкус

е направен според единствена и точно избалансирана рецепта од вкусови. Состојките кои се користат се од постојани реони и добавувачи во Македонија, и нивното учество во финалниот производ е секогаш стандардно и исто.

Еден циклус, кој се состои од берење на пиперките од нива па се до пакување на една серија МАМАС, трае точно 12 часа. Сето ова е со цел да се зачува свежината и квалитетот на пиперките (главна состојка во нашиот Ајвар). Имајќи во предвид дека сезоната за берење на пиперки е во Септември и Октомври, производстовото на се одвива во дневни циклуси.

Поради природната разлика на секоја берба пиперки, можни се определени дисколорации во бојата и структурата на производот* . Но вкусот секогаш останува ист!!!

* Во со цел да се задржи природниот вкус и традиционалниот начин на производство, не се додаваат адитиви и/или вештачки бои.